పురుషులు ఈ ఆహారాన్ని మిస్సవ్వద్దు..!!
వరంగల్ టైమ్స్, హెల్త్ డెస్క్ : ప్రతీ వ్యక్తి ఆరోగ్యం.. వారు తీసుకునే ఆహారంపై ఆధారపడి ఉంటుంది. ముఖ్యంగా, పురుషుల ఆరోగ్య శైలి ఎంత మెరుగ్గా ఉంటే, వారి సంతానోత్పత్తి, స్పెర్మ్ ఉత్పత్తి, బలాన్ని మెరుగుపరుస్తుంది. వయసుతో పాటు పురుషుల బలం కూడా తగ్గుతుంది. కాబట్టి సరైన ఆహారం తీసుకోవడం ముఖ్యం.
ఆయుర్వేదం ప్రకారం, పురుషులకు సూపర్ ఫుడ్స్ ఏవో తెలుసుకుందాం.
పాలు, నెయ్యి, తేనె:
ఆయుర్వేదం ప్రకారం పురుషులకు ఉత్తమమైన ఆహారం పాలు, నెయ్యి, తేనె, నీరు. పాలు. పాలు, నెయ్యి శరీరంలో శక్తిని పెంచడంతో పాటు సంతానోత్పత్తిని పెంచడానికి సహాయపడతాయి. తేనె రక్తపోటును తగ్గించడంతో పాటు రక్తంలో కొవ్వు స్థాయిలను మెరుగుపరచడానికి, గుండె స్పందన రేటును నియంత్రించడానికి, ఆరోగ్యకరమైన కణాలు తగ్గిపోకుండా నిరోధించడానికి కూడా సహాయపడుతాయి.
డ్రై ఫ్రూట్స్:
డ్రై ఫ్రూట్స్ పురుషుల ఆరోగ్యానికి చాలా మేలు చేస్తాయి. ముఖ్యంగా బాదం, ఖర్జూరం, జీడిపప్పు వంటివి తీసుకోవడం పురుషుల ఆరోగ్యానికి ఎంతో మేలు చేస్తాయి. జీడిపప్పులో పుష్కలంగా ఉండే జింక్, బలమైన శరీరానికి, స్త్రీ,పురుషులలో సంతానోత్పత్తిని పెంపొందించడానికి చాలా అవసరం.
పండ్లు:
అరటి, మోసంబి, నారింజ, యాపిల్ పండ్లు పురుషుల ఆరోగ్యానికి మేలు చేస్తాయని వైద్యులు చెబుతున్నారు. యాపిల్స్ రక్తంలో చక్కెర స్థాయిలను నియంత్రించడంతో పాటు శక్తిని పెంచడంలో సహాయపడతాయి.
మీరు మాంసాహారులైతే…
మాంసం, చేపలు, గుడ్లు హాయిగా తినవచ్చు. అలాగే చికెన్ లేదా ఇతర మాంసాన్ని తరచుగా తీసుకోవచ్చు. దీనివల్ల శరీరానికి కావలసిన కొవ్వును సరఫరా చేయవచ్చు. అలాగే మాంసం కండరాలను బలోపేతం చేయడంలో సహాయపడుతుంది.
ఉల్లిపాయ :
ఉల్లిపాయ పురుషులలో టెస్టోస్టెరాన్ స్థాయిలను పెంచుతుంది. ఉల్లి కామోద్దీపనగా చెబుతారు. కాబట్టి పురుషులు నిత్యం ఉల్లిపాయలు తీసుకోవడం మంచిది.
