విటమిన్ ‘డి’ లోపిస్తే ఏం జరుగుతుందో తెలుసా !
వరంగల్ టైమ్స్, హెల్త్ డెస్క్: శరీరానికి విటమిన్ ‘డి’ చాలా అవసరం.’డి’ విటమిన్ లోపిస్తే అనేక ఆరోగ్య సమస్యలను కలిగిస్తుంది. ముఖ్యంగా ఎముకల ఆరోగ్యానికి ‘డి’ మిటమిన్ ఎంతో అవసరమన్న సంగతి అందరికీ తెలిసిందే. ఉదయాన్నే సూర్యరశ్మిలో కాసేపు ఉండటం వల్ల అనేక ఆరోగ్య ప్రయోజనాలు లభిస్తాయి. ఉదయం సూర్యోదయానికి ముందే నిద్రలేవడం ఆరోగ్యానికి ఎంతో ప్రయోజనం చేకూరుతుందని ఆరోగ్య నిపుణులు అంటుంటారు. అనేక అనారోగ్య సమస్యల నుంచి బయటపడేందుకు ఇది ఉపయోగపడుతుంది. కాబట్టి ఉదయాన్నే నిద్రలేవడం వల్ల శరీరం చురుగ్గా ఉంటుంది.
విటమిన్ ‘డి’ లోపిస్తే :
విటమిన్ ‘డి’ లోపం వల్ల శరీరంలో అనేక ఆరోగ్య సమస్యలు వస్తాయి. ఎముకలు బలహీనంగా మారుతాయి. ఈ పోషకం లోపం వల్ల బోలు ఎముకల వ్యాధి వస్తుంది. దీంతో ఎముకల లోపల పెద్ద రంధ్రాలు ఏర్పడే ప్రమాదం ఉంటుంది. ఎముకలు బలహీనంగా మారేలా చేస్తుంది. విటమిన్ ‘డి’ లోపాన్ని సరిచేయడానికి సూర్యరశ్మి ప్రధాన మార్గం. సూర్యరశ్మితో పాటు విటమిన్ ‘డి’ ఉన్న ఆహారాలు కూడా తీసుకోవడం చాలా మంచిది. సాల్మన్ చేపలు, గుడ్డు సొనలు, కాడ్ లివర్ ఆయిల్, ఫోర్టిఫైడ్ ఫుడ్స్ మొదలైన వాటిలో విటమిన్ ‘డి’మంచి మొత్తంలో ఉంటుంది. కానీ ఈ ఆహారం తీసుకున్న తర్వాత కూడా శరీరంలో విటమిన్ ‘డి’ లోపం వచ్చే అవకాశం ఎక్కువగా ఉంటుంది. ఈ పోషకాలను శరీరం గ్రహించేందుకు పాల ఉత్పత్తులను తీసుకోవాలి.
కాల్షియం :
ఎముకలు బలహీనంగా ఉండకుండా ఉండాలంటే కాల్షియం తీసుకోవడం చాలా ముఖ్యం. పాల ఉత్పత్తులు, విటమిన్ ‘డి’ ఆహారం కలయిక ఆరోగ్యానికి మేలు చేస్తుంది. ఎందుకంటే పాలు కాల్షియం అందించడంలో కూడా సహాయపడతాయి. విటమిన్ ‘డి’ ఉన్నప్పుడు కాల్షియం శరీరం సులభంగా గ్రహిస్తుంది.
బలహీనమైన ఎముకలను ఎలా నివారించాలి?
ఎముకలు దృఢంగా ఉండేందుకు రోజుకు 10 ఎంసిజి విటమిన్ ‘డి’ అవసరమని ఓ నివేదిక పేర్కొంది.శరీరానికి దాని లోపాన్ని నివారించడానికి ప్రతీరోజూ అదే స్థాయిలో విటమిన్ ‘డి’ అవసరం.
సూర్యకాంతితోనే సహజ నివారణ :
మన శరీరం పోషకాలను ఉత్పత్తి చేస్తుంది. దానికి సూర్యరశ్మి కావాలి. కాబట్టి ఉదయం, సాయంత్రం సూర్యకాంతి తీసుకోండి. ఈ కొవ్వులో కరిగే విటమిన్ ఆహారాలలో తక్కువ మొత్తంలో మాత్రమే లభిస్తుంది.
విటమిన్ ‘డి’ లోపిస్తే కనిపించే లక్షణాలు :
ఎముకల నొప్పులు, అలసట, నిద్రలేమి, జుట్టు రాలడం, ఆకలి లేకపోవడం, సులభంగా అనారోగ్యం పాలవడం వంటి లక్షణాలు కనిపిస్తాయి.
