ఆసీస్తో జరిగిన చివరి టీ20లో ఓడిపోయినప్పటికీ టీమిండియా2-1 తేడాతో సిరీస్ను కైవసం చేసుకుంది. ఈ సిరీస్లో దనాధన్ ఇన్నింగ్స్లతో అలరించిన ఆల్రౌండర్ హార్ధిక్పాండ్యకు ‘మ్యాన్ఆప్ దిసిరీస్’దక్కింది. అయితే తనకు దక్కిన అవార్డును యువ సంచలన బౌలర్ టీ నటరాజన్ హార్దిక్ అందించారు. క్లిష్ట పరిస్థితుల్లో కెరీర్ ఆరంభ మ్యాచ్ల్లోనే గొప్పగా బౌలింగ్ చేసిన నటరాజన్కు ఈ అవార్డు దక్కాలని హార్ధిక్ ట్విటర్ వేదికగా పంచుకున్నాడు.‘ నటరాజన్ ఈ సిరీస్లో నువ్వు చేసిన ప్రదర్శన అద్భుతం. ప్రారంభ మ్యాచ్లోనే క్లిష్ట పరిస్థితుల్లో గొప్పగా బౌలింగ్ చేసిన విధానమే తెలియజేస్తుంది నీశ్రమ సామర్ధ్యాలను నాదృష్టిలో మ్యాన్ ఆఫ్ది సిరీస్’అందుకోవాల్సింది మీరే సిరీస్ గెలిచినందుకు భారత్కు శుభాకాంక్షలు’అని నటరాజన్, టీమిండియా ఫోటోలతో హార్ధిక్ ట్వీట్ చేశారు. రెండో టీ20లో హార్థిక్ మ్యాన్ఆఫ్ ది మ్యాచ్ అందుకున్న అనంతరం కూడా నట్టూకే అవార్డు దక్కాల్సిందని పేర్కొన్న విషయం విదితమే. అయితే నటరాజన్ను ప్రోత్సహిస్తున్నహార్ధిక్ను నెటిజన్లు పొగడ్తలతో ముంచెతుత్తున్నారు. ఆయన గొప్ప మనస్సును ప్రశంసిస్తూ సామాజిక మధ్యమాల్లో పోస్ట్లు పెడుతున్నారు. అయితే టీమిండియా కెప్టెన్ విరాట్ కోహ్లీ సైతం నటరాజన్కే టీ20 సిరీస్ ట్రోఫీని అందించడం విశేషం. యువ ఆటగాడిని ప్రోత్సహిస్తున్న తీరు స్ఫూర్తిదాయకంగా ఉందని కోహ్లీని ప్రశంసిస్తున్నారు.
