అక్రమ నివాసితులు దేశం విడిచి వెళ్ళడానికి డిసెంబర్ 01 నుండి 31 వరకు అవకాశం …ప్రత్యేక సహాయక కేంద్రం ఏర్పాటు చేయనున్న ఎంబస్సీ
హైదరాబాద్‌: కువైట్ ప్రభుత్వం ప్రకటించిన అవకాశం పొందాలనుకునేవారి కోసం భారత రాయబార కార్యాలయం ప్రత్యేక హెల్ప్ డెస్క్ ప్రారంభించనుంది. పాస్పోర్ట్ లేదా ట్రావెల్ డాక్యుమెంట్ లేని వారు అత్యవసర ప్రయాణ పత్రం పొందడానికి ఈ ప్రత్యేక డెస్క్‌ను సంప్రదించవచ్చని కువైట్‌లోని భారత రాయబారి సిబి జార్జ్ అన్నారు. ఇంతకు ముందు ఎమర్జెన్సీ సర్టిఫికేట్ (ఇసి) పొందిన వారు కువైట్ ప్రభుత్వం ప్రకటించిన ఈ అవకాశాన్ని పొందటానికి దీనిని ఉపయోగించవచ్చు. గడువు ముగిసిన ఈసీ ని రాయబార కార్యాలయంలో పునరుద్ధరించవచ్చు, ఎంబసీ అంతకుముందు కువైట్ ప్రభుత్వం నిర్వహించిన మొదటి ఆన్‌లైన్ ఓపెన్ ఫోరం సందర్భంగా రాయబారి మాట్లాడుతూ, జనవరి 1, 2020 న లేదా అంతకన్నా ముందే గడువు ముగిసిన రెసిడెన్సీ ఉన్నవారు దేశం విడిచి వెళ్ళవచ్చు లేదా జరిమానా చెల్లించి డిసెంబర్ 1 నుండి 31 వరకు వారి స్థితి పునఃరుద్దరించుకోవచ్చు వారు లీగల్ వీసాలో కువైట్ తిరిగి రాగలరు. ఈ అవకాశాన్ని ఉపయోగించుకోని వారిని అరెస్టు చేస్తారు మరియు భవిష్యత్ ప్రయాణాలకు బ్లాక్ లిస్ట్ చేయబడతారు. దేశంలో తాత్కాలిక వీసా ఉన్నవారు నవంబర్ 30 లోపు దేశం విడిచి వెళ్లాలని అధికారులు తెలియజేశారు.
