శ్రీనగర్: భద్రతాదళాలు, ఉగ్రవాదుల మధ్య జమ్మూకాశ్మీర్ పుల్వామాలోని టికెన్ ప్రాంతంలో బుధవారం తెల్లవారు జామున ఎన్కౌంటర్ జరిగింది. ఈ ఎన్కౌంటర్లో ముగ్గురు గుర్తుతెలియని ఉగ్రవాదులు మృతిచెందారు. టికెన్ ప్రాంతంలో తెల్లవారుజామున జమ్మూకాశ్మీర్ పోలీస్ 182 బెటాలియన్ సీఆర్పీఎఫ్, రాష్ట్రీయ రైఫిల్స్, స్పెషల్ఆపరేషన్ గ్రూప్ జాయింట్ దళాలు సెర్చ్ ఆపరేషన్స్ నిర్వహిస్తున్నాయి. ఈ సమయంలో అదే ప్రాంతంలో దాగి ఉన్న ఉగ్రవాదులు భద్రతా సిబ్బందిపై కాల్పులు జరిపారు. దీంతో ఆ ప్రాంతాన్ని భద్రతా బలగాలు చుట్టుముట్టాయి. ఈ క్రమంలో ముగ్గురు ఉగ్రవాదులు మృతిచెందారు. ఇంకా అక్కడ భద్రతా బలగాలు సెర్చ్ ఆపరేషన్ను కొనసాగిస్తున్నాయి. పూర్తి వివరాలు తెలియాల్సి ఉంది.
